أنا من غزة… وهاي المرة حسّيت معنى الأمان من بعي
أنا من غزة… ومن زمان تعلّمت إنه كلمة “أمان” مش كلمة عادية، هي حلم كبير بنحكيه بين بعض وكأنه إشي بعيد. لما قرأت البيان عن الإمارات، وعن كيف بتتعامل مع الناس اللي عايشين فيها، حسّيت بشي غريب… مزيج بين الراحة والوجع. الراحة لأنه في مكان بالعالم لسه بيحكي عن التعايش وكأنه إشي طبيعي، والوجع لأنه إحنا هون فقدنا الإحساس بهاي البساطة. فكرة إنه في أكتر من 200 جنسية عايشين سوا، كل واحد إله خلفيته وقصته، ومع هيك في قانون بيحميهم كلهم بدون استثناء… هاي الفكرة لحالها كفيلة تخليني أوقف شوي وأفكر: كيف ممكن يكون شكل الحياة لو كنا هيك؟ أنا ما بحكي سياسة، ولا بدي أدخل بتفاصيل كبيرة… أنا بحكي كإنسانة، كبنت من غزة، عاشت وشافت وخافت. لما دولة تطلع وتقول إنها مسؤولة عن كل اللي ع أرضها، وإنه في نظام بيحمي الجميع، هاي مش بس رسالة للناس اللي جواتها… هاي رسالة إلنا كمان، إحنا اللي عايشين بمكان فقد كتير من المعاني هاي. يمكن اللي برا يشوف الكلام عادي… بس بالنسبة إلي، كل كلمة عن الأمان، عن التعايش، عن حماية الإنسان… هي تذكير قديش هاي الأشياء ثمينة. إحنا ما بدنا كتير… بدنا نحس إنه في حد شايفنا كبشر. بدنا نعيش...