Ranem El Ali

في غزة، ممكن الصبح يبدأ بلحظة هدوء بسيطة، لكن وراها يوم كامل من المسؤوليات. الناس بتصحى، تبص على بعض، وكل عيلة تبدأ ترتب يومها حسب اللي موجود واللي تقدر عليه. الأمهات بيكون عندها نفس المهام تقريبًا كل يوم؛ تصحي الأطفال، ترتب مكانهم، وتحاول تحضر فطور بسيط. طفل يطلب شاي، وبنت تساعد أمها، وآخر لسا مش عايز يقوم من النوم. بعدها تبدأ الحركة. شخص يخرج يبحث عن المي، وآخر يحاول توفير الخبز، وشاب يقضي مشوارًا للعيلة. الناس بتتحرك بهدوء، وكل واحد عارف إن احتياجات اليوم ما بتستناش. داخل المكان، تستمر تفاصيل البيت. هدوم بتتغسل، أشياء بتترتب، وأم بتحاول تخلق مساحة صغيرة لأولادها يعيشوا فيها براحة. الأطفال بيكونوا أكثر ناس قادرين على صناعة الفرح من لا شيء. شوية رمل، كرة قديمة، أو لعبة بسيطة تكفي عشان يبدأوا بالجري والضحك. ومع الوقت، بتكبر حركة المكان. الجيران يتبادلوا الحديث، الأطفال يرجعوا لأمهاتهم، وكل شخص يحاول يخلص احتياجاته قبل ما يخلص النهار. وقت الغدا، بتجتمع العيلة. الوجبة بسيطة، لكن وجود الجميع حولها له معنى كبير. يتكلموا عن يومهم، وعن اللي ناقصهم، وأحيانًا يضحكوا على موقف صغير حصل مع...