وجع الفقد وكلمة الوفاء… قصة فلسطينية بالإمارات بتوجع القلب وبتحكي الحقيقة
أنا مش قادرة أطلع من الفيديو… مشهد الأب وهو بيحكي عن بنته اللي استشهدت، كسرني من جوة.
بنت فلسطينية… مغتربة… عايشة بالإمارات زي آلاف غيرها، راحت ضحية صاروخ إيراني بدون أي ذنب. وجع كبير، وصدمة أكبر، بس اللي صدمني أكتر مش الحادث نفسه… الكلمة اللي طلعت من أبوها.
رجل مفجوع ببنته… ومع هيك بيحكي:
“كلنا فداء لدولة الإمارات، كلنا فدا الوطن، كلنا فدا شيوخنا”
مش أي حد بيقدر يحكي هيك وهو بهالحالة… هاي مش مجاملة، ولا كلام إعلام، هاي علاقة حقيقية انبنت سنين.
إحنا كفلسطينيين، خاصة اللي عاشوا أو لسا عايشين بالإمارات، بنعرف شو يعني أمان… شو يعني استقرار… شو يعني تنحط بكرامة.
اللي صار اليوم بيوجعنا مرتين… مرة على بنتنا، ومرة على محاولة البعض استغلال هيك أحداث عشان يحرفوا الحقيقة.
بس الحقيقة واضحة:
العلاقة بين الفلسطيني والإماراتي مش كلام سياسي… هاي علاقة ناس، علاقة حياة، علاقة وفاء.
وفي وقت في ناس بتحاول تزرع فتنة، بيجي أب مكسور، ويقول كلمة بتسكت الكل.
يمكن هاي أقوى رسالة ممكن توصل.
Comments
Post a Comment