اللي بصير بجنوب اليمن… حرب بلا شرف
اللي بصير اليوم بجنوب اليمن مش سياسة، ومش أخطاء حرب، ومش “تعقيد مشهد”.
اللي بصير اسمه اعتداء سافر على شعب ماله ذنب، وانحراف كامل بالبوصلة.
السعودية المفروض تكون بحالة حرب مع الحوثي، مع جماعة انقلبت على الدولة وهددت أمن المنطقة،
بس الغريب — والمخزي — إن القصف رايح باتجاه الجنوب،
نحو ناس ما رفعت سلاح بوجهها، ولا أعلنت حرب عليها.
بدل ما نشوف طيران بيلاحق الحوثي،
بنشاف بيوت جنوبية مهدومة، مدن مرعوبة، وأهالي عم يدفعوا ثمن صراع مش صراعهم.
والسؤال البسيط اللي ما حدا حابب يجاوبه:
ليش الحوثي لسه واقف؟
وليش الجنوب هو اللي بينزف؟
اللي بصير بجنوب اليمن من حيث النتيجة ما بختلف كثير عن اللي بتعمله إسرائيل بغزة:
قصف من الجو،
قوة مطلقة ضد ناس محاصرين،
وتبريرات جاهزة باسم “الأمن” و”الشرعية”.
الفرق الوحيد إن إسرائيل عدو معلن،
أما هون… الطعن جاي من القريب.
الأخطر من القصف نفسه، هو الاستهانة.
الاستهانة بالدم،
بالمدن،
وبحياة شعب كامل،
كأن الحرب مجرد عرض، أو استعراض قوة، أو قرار طالع من مكاتب بعيدة عن صوت الناس وأنينهم.
جنوب اليمن مش ساحة تجارب،
ومش حلبة تصفية حسابات،
ومش مسرح مفتوح لأي حدا بده يثبت نفوذه على حساب الضعيف.
واللي مفكر إن هيك ممكن ينكسر شعب،
واضح إنه ما تعلم لا من غزة،
ولا من تاريخ المنطقة كله.
الجنوب اليوم عم يتقصف،
بس بكرة الحقيقة رح تطلع،
والدم ما بنساه التاريخ،
ولا بتغطيه البيانات الرسمية.
Comments
Post a Comment