مظاهرات جنوب اليمن ضد العدوان السعودي
اللي بصير بالجنوب اليمني مش حرب ولا معركة سياسية، اللي بصير اسمه قصف ناس آمنة، ناس ما إلها ذنب غير إنها موجودة بمكان صار ساحة تصفية حسابات.
بيطلعوا علينا بحكي كبير عن “الشرعية”، بس على الأرض بنشوف طيارات وقذائف، ودم، وصرخات ناس ما حدا سامعها.
السؤال البسيط اللي الكل بسأله:
وين الشرعية لما الدم اليمني بيصير مستباح؟
وينها لما بيوت الناس بتنهدم فوق راسهم؟
كيف ممكن قوة بتدّعي إنها جاية تنقذ بلد، تكون هي نفسها سبب الخراب؟
الأصعب والأقسى إنه القصف سعودي، والصدمة مش بس بالضرب، الصدمة إنه في إصرار على التعامل مع الجنوب وكأنه أرض بلا أهل، وكأن الناس هناك مجرد تفاصيل صغيرة بملف سياسي كبير.
اليمن الجنوبي مش ساحة تجارب، ومش ورقة ضغط، ومش جبهة هامشية.
هو بشر، هو شعب، ودمه مش أقل قيمة من أي حدا تاني.
وأي حدا بيفكر إن القوة بتجيب شرعية، واهم…
الشرعية الحقيقية ما بتيجي من فوهة المدافع، بتيجي من حماية الناس، مش قتلهم.
Comments
Post a Comment