أنا بنت غزة… مش رقم في خبر عاجل

 

أنا بنت غزة.
مش رقم بنشرة الأخبار، ولا صورة عابرة عالشاشة.
أنا إنسانة عندي أحلام كانت بسيطة… بيت آمن، جامعة، ضحكة بلا خوف.

كبرنا وإحنا متعودين عالصوت العالي.
صوت الطيارة، صوت الانفجار، صوت الخوف اللي ساكن جوّاتنا.
بس أكتر إشي بيوجع مش الصوت… الوجع اللي بيضل بعده.

كل مرة بنفقد حدا، بنصير أكبر بعمر مش إلنا.
كل مرة بيت ينهدم، جزء منا بينهدم معه.
بس الغريب؟
إنه لسه فينا نفس نحلم.

أنا بنت غزة.
بتعلمت كيف أضحك وأنا موجوعة،
وكيف أقول “الحمد لله” حتى وأنا مش فاهمة ليش كل هالقسوة.

بدّي العالم يعرف إنو ورا كل مشهد دمار…
في بنت كانت بتحلم بفستان تخرج،
في أم كانت بتحضّر عزومة،
في عيلة كانت بس بدها تعيش.

إحنا مش أرقام.
إحنا حياة كاملة عم تنكتب بالألم…
بس لسه ما انتهت.