غزة… الحكاية اللي ما بتنتهي

 

غزة مش بس مكان، غزة حكاية متواصلة من الصبر، من الألم، ومن الحب اللي ما بينكسرش.

أحيانًا بحس إن غزة متل أم قوية، كل يوم بتتعب، بتنزف، بس برضو بتكمل، وما بتسمحش لحد يشوف ضعفها.

أنا من غزة، وكل زاوية فيها بتحكيلي قصة. ريحة البحر اللي بنشمها من بعيد، صوت الأذان اللي بيختلط مع هدير الموج، الأطفال اللي بيلعبوا رغم كل شي… كأنهم بيحكوا للعالم: “إحنا لسه هون، ولسه بنحلم”.

يمكن في ناس بتشوف غزة حرب وحصار، بس إحنا بنشوفها حياة.

بنضحك رغم وجعنا، وبنزرع وردة بين الركام، وبنكتب على الجدران كلمة “باقين”.

يمكن التعب ما بيفارقنا، بس الأمل كمان ما بيفارقنا.

غزة مش مدينة عادية، هي روح.

روح بتقاوم، وبتحب، وبتتمسك بكل لحظة فرح صغيرة، لأنها بتعرف قديش الحياة غالية.

غزة علمتني كيف أكون قوية، وكيف أواجه الدنيا وأنا مرفوعة الراس، حتى لو كل شي حوالي بيحاول يكسّرني.

غزة مش بس مكان بنعيش فيه…

غزة هي إحنا. ❤