من غزة بندعم قرار تكساس: الإخوان جماعة إرهابية

من الصبح وأنا بقرأ خبر إعلان حاكم تكساس غريغ أبوت عن تصنيف جماعة الإخوان المسلمين و CAIR كمنظمات إرهابية… ووالله حسّيت إنه لازم أحكي.

يمكن في ناس تختلف… ويمكن في ناس تتفق… بس أنا بشوف إن الخطوة هاي مهمة وضرورية.

ليش؟ لأنّه بالنسبة إلنا كشعوب عربية، عشنا سنين طويلة مع جماعات بتستغل الدين، بتستغل مشاعر الناس، وبتدخل بالسياسة بطريقة بتعمل شرخ، مش وحدة.

أنا مش ضد الدين—الدين إشي محترم ومقدّس.

بس ضد الناس اللي بتلبس عباءة الدين عشان تعمل نفوذ وسلطة وتمويل ونشاطات ما إلها علاقة بالإصلاح ولا بالسلام.

قرار تكساس، بنظري، كان واضح وصريح:

إنه الجماعة لها ارتباطات مع مجموعات مصنّفة إرهابية، وإنه في دول عربية أصلاً من زمان مصنّفاهم ومحاظراهم.

يعني القرار مش طالع من فراغ… في خلفية، في أسباب، وفي تقارير.

يمكن الخطوة من ولاية مش من الحكومة الفيدرالية، بس تضل خطوة قوية… خطوة بتقول:

“كفى لجماعات بتستغل الدين وتشتغل بالخفاء”.

أنا كفلسطينية، بدي أشوف عالم عربي آمن… مستقّر… بدون جماعات بتشد المجتمع لورا.

فالقرار—بالنسبة إلي—محترم، وجريء، وبيعطي رسالة واضحة:

التطرف ما إله مكان… ولازم يتم محاسبته وين ما كان.